Manchester City និង Paris Saint-Germain ចាប់អារម្មណ៍លើ Federico Valverde ខណៈអនាគតនៅ Real Madrid កំពុងក្លាយជាប្រធានបទធំ បន្ទាប់ពីមានបញ្ហាហ្វឹកហាត់ជាមួយ Aurélien Tchouaméni
អត្ថបទសរសេរដោយ Danny • 6 views
ខ្សែបម្រើជម្រើសជាតិ Uruguay គឺ Federico Valverde កំពុងក្លាយជាគោលដៅដ៏ធំរបស់ក្លិប Manchester City និង Paris Saint-Germain ខណៈមានភាពមិនច្បាស់លាស់អំពីអនាគតរបស់គាត់នៅក្លិប Real Madrid បន្ទាប់ពីមានហេតុការណ៍ជម្លោះក្នុងការហ្វឹកហាត់។
តាមរបាយការណ៍បានឲ្យដឹងថា មានការប៉ះទង្គិចរវាង Valverde និងមិត្តរួមក្រុម Aurélien Tchouaméni នៅទីលានហ្វឹកហាត់ Valdebebas ដែលធ្វើឱ្យក្លិបធំៗនៅអឺរ៉ុបចាប់ផ្តើមតាមដានស្ថានភាពយ៉ាងជិតស្និទ្ធ។
ទោះបីមានសម្ពាធពីក្រៅក៏ដោយ ក្តីប្រាថ្នារបស់ Valverde នៅតែចង់បន្តនៅក្លិប Real Madrid ដដែល។ បច្ចុប្បន្នគាត់កំពុងសម្រាកនៅផ្ទះរយៈពេលប្រហែល 10 ទៅ 14 ថ្ងៃ ដោយសារផលប៉ះពាល់រាងកាយពីការប៉ះទង្គិច។
ទោះយ៉ាងណា ក្លិបធំៗដូចជា Paris Saint-Germain បានបង្ហាញចំណាប់អារម្មណ៍យូរមកហើយ ហើយត្រូវបានរាយការណ៍ថាបានមានការពិភាក្សាដំបូងរួចហើយ ដោយតម្លៃអាចឡើងដល់ប្រមាណ €100 លានអឺរ៉ូ ទៅ €120 លានអឺរ៉ូ។
ខណៈនោះ Manchester City ក៏នៅក្នុងការប្រជែងដែរ ដោយគ្រូបង្វឹក Pep Guardiola ត្រូវបានអោយគេដឹងថា ជាអ្នកកោតសរសើរចំពោះសមត្ថភាព និងភាពបត់បែនរបស់ Valverde ជាយូរមកហើយ។
នៅផ្ទៃក្នុងក្លិប Real Madrid ក៏បានដោះស្រាយបញ្ហាវិន័យ ដោយដាក់ពិន័យប្រាក់ប្រមាណ €500,000 ដល់អ្នកពាក់ព័ន្ធ ប៉ុន្តែមិនមានការដាក់ទណ្ឌកម្មផ្នែកកីឡាទេ។
គ្រូបង្វឹក Álvaro Arbeloa បានបញ្ជាក់ថា ការលេចធ្លាយព័ត៌មានពីក្នុងបន្ទប់ផ្លាស់សម្លៀកបំពាក់គឺជារឿងមិនគួរឱ្យកើតឡើង និងបានសង្កត់ធ្ងន់ថា ស្ថានភាពបែបនេះជាធម្មតាកើតឡើងក្នុងបរិយាកាសសម្ពាធខ្ពស់ ប៉ុន្តែក្លិបបានដោះស្រាយយ៉ាងត្រឹមត្រូវ និងឆាប់រហ័ស។
