ម៉ិកស៊ិកអង្រួនកីឡដ្ឋាន Azteca យកឈ្នះអាហ្វ្រិកខាងត្បូង ២-០ បើកឆាក World Cup 2026 យ៉ាងកក្រើក
អត្ថបទសរសេរដោយ Danny • 5 views
ក្រុមម្ចាស់ផ្ទះម៉ិកស៊ិក (Mexico) បានបង្កើតកំណត់ត្រាប្រវត្តិសាស្ត្រដ៏អស្ចារ្យមួយ ក្នុងព្រឹត្តិការណ៍ FIFA World Cup 2026 បន្ទាប់ពីបានទម្លុះយកឈ្នះក្រុមអាហ្វ្រិកខាងត្បូង (South Africa) ក្នុងលទ្ធផល ២-០ នាជំនួបបើកឆាកដំបូងប្រចាំពូល Group A ដែលនេះជាជ័យជម្នះក្នុងថ្ងៃបើកឆាក World Cup លើកដំបូងបង្អស់ក្នុងប្រវត្តិសាស្ត្ររបស់ពួកគេ។
ក្រុមកងទ័ពអាវបៃតងម៉ិកស៊ិក បានធ្វើឱ្យអ្នកគាំទ្ររាប់ម៉ឺននាក់នៅក្នុងកីឡដ្ឋានជាតិ Estadio Azteca ស្រែកហ៊ោរកញ្ជ្រៀវយ៉ាងខ្លាំង បន្ទាប់ពីកីឡាករ Julian Quiñones បានស៊ុតគ្រាប់បាល់នាំមុខយ៉ាងលឿនតាំងពីនាទីទី ៩ មុនពេលដែលខ្សែប្រយុទ្ធចាស់វស្សា Raul Jimenez បានតែតបញ្ចូលទីគ្រាប់ទីពីរនៅវគ្គទីពីរ ធានាជ័យជម្នះ ៣ ពិន្ទុពេញជូនក្រុម។ កម្លាំងចិត្តដ៏មហិមាចេញពីការគាំទ្ររបស់ទស្សនិកជន និងទម្រង់លេងដ៏លេចធ្លោរបស់ខ្សែប្រយុទ្ធស្លាប Roberto Alvarado (អ្នក Assist ឱ្យ Jimenez) គឺជាសោរគន្លឹះជួយឱ្យក្រុមរបស់លោក Javier Aguirre គ្រប់គ្រងការប្រកួតទាំងស្រុង។
ផ្ទុយទៅវិញ វាជាការប្រកួតដ៏ខកចិត្ត និងក្តៅក្រហាយសម្រាប់អាហ្វ្រិកខាងត្បូង ដោយសារពួកគេមិនត្រឹមតែមិនអាចបង្កើតឱកាសបានល្អនោះទេ ប៉ុន្តែថែមទាំងត្រូវពិន័យកាតក្រហមបណ្តេញកីឡាករចេញរហូតដល់ទៅ ២ នាក់ទៀតផង។ យ៉ាងណាមិញ ម៉ិកស៊ិកក៏ត្រូវខាតបង់បន្តិចបន្តួចដែរ សម្រាប់ការប្រកួតបន្ទាប់ ដោយសារខ្សែការពារ Cesar Montes ត្រូវទទួលបានកាតក្រហមនៅចុងម៉ោង (ម៉ោងបន្ថែម)។ សម្រាប់ជំនួបបន្ទាប់ក្នុងពូល Group A ម៉ិកស៊ិកត្រូវត្រៀមខ្លួនតទល់នឹងក្រុមកងទ័ពហត្ថលេខាក្រហមកូរ៉េខាងត្បូង (South Korea)។
